今日心情確實比平時down咗啲,雖然係為咗啲無聊事,但我認為天氣都有分晴天同雨天,人喺情緒方面都會係一樣!
公司內部突然好混亂,啲人變成”個體戶”,全部好似白內障咁睇嘢睇到矇查查,個個講到自己幾百萬上落咁”很”忙,係公司好生意吖,定係自己工作能力低呢?再加上又唔想聽得多知得多嘅心態,咁即係呈現緊”眼又矇耳又聾”呢個徵狀,倒不如提早過退休生活,咪留喺度搔擾啲仲玩緊遊戲嘅參賽者啦!
我唯有學華仔首歌咁”張開眼晴”吧!
下面有歌詞呀,慢慢聽啦!
未見得一切都要公平 成敗也總要問究竟
亦未見得得失影響心情 難道你天生很好勝
*全部靠即興只會不得要領 凡事要心中決定
行捷徑心領其路更要冷靜 沒有輸 怎會勝 用努力來往上調整
以後前途反覆要鎮定 以後迷途不需找算命
以後沿途危難總要企定 學會張一張開一雙眼睛
未見得光陰一退需要停 無用去一再望背影
人沒有一生揮不去的慘情 自會好心好報應*
Hahaha…. Hahaha……
人沒有天生高一班的生命 自會好心得到好報應
Hahaha…… Hahaha…….
每逢星期一都好叉忙,一開電腦成幾廿份report等upload上server,因為放完假嘛,攪到我頭都痛埋!
終於忍唔住買咗”白袍之戀”,係鬥魚班人做架,所以我又要開始閉關煲劇喇!
BuBu尋日沖完涼返嚟好眼瞓咁,今日就唔同喇,充哂電,通屋走,我仲見佢剪完毛好似好down咁,所以咪讚佢多啲囉!
BuBu知道我哋成日要對住部電腦,所以要教大家做一個佢”自創”嘅頭部運動,記得跟住做呀,準備好就㩒Play啦!
今日BuBu去咗沖涼兼剪毛,當啲毛長番嘅時候,就差唔多要告別夏季喇!
(超涼爽呀!@@)
(好似剝光豬咁)
(著番件衫先)
(同豆豆玩呀)
(扮貴婦呀)
(沖完涼,好辛勞呀!)
因為要裝爐,所以唔可以俾BuBu周地行,唯有破例俾佢上張床度啦!我同佢一樣,滯留咗喺張床度,無聊地影下傻BuBu,同食下尋日買嘅戰利品!
結果一整就整到七點,又要執餐飽,好辛勞呀!
今日要祝隅言小姐,生日怏樂! 
原本諗住今年唔去美食博覽,但係睇完報紙同啲雜誌係咁登啲好吸引嘅嘢食出嚟,所以放工喺冇任何準備下,我同老陳約埋平時好難約嘅二家姐,一齊去掃貨,睇下有冇好嘢嘛!
七點鐘入去,行到十點會展清場,裡面好迫,成村人排隊試食,有一檔個Sales仲話”幫襯下啦,唔好食完就走啦!”,啲人真係試食完就走,好攪笑!不過裡面啲嘢大部份都係减好少,所以我都係買咗啲出面少見或者未有得買嘅嘢多!
最後我哋嘅戰利品總共有成六袋,簡直係破咗上年嘅紀錄,果然係”經濟好咗喎!”
(掃咗六大袋貨)
(濕貨產品,有餃子啦,甜品啦…)
(乾貨小食)
(好抵嘅三十蚊二十包素麫,仲有老陳食麫必需品”辣椒醬”)
(東海堂嘅冰燒月,仲有送俾BuBu嘅豆豆公仔)
(要特別介紹以下呢個”義美蛋糕”,家姐話喺臺灣好出名架,成四十幾蚊盒架!)
晏晝同PP島,隅言小姐去咗”阿斗官”食,而亞B就因為要開會,同唔到我哋食,所以今日嘅”派紙巾”服務就暫停咗一天喇!
(平時呢個服務係亞B嘅餐前指定動作嚟架,真係”Appreciate”喇!
)
我哋嗌咗三個餐,其中一個餐係沙薑雞,仲要半隻,真係誇張呀!
講到食,夜晚終於食咗”獅子頭菜飯”,不過我嘅評語俾唔到Good Good Good,只可以講一般難食,排骨菜飯好佢十八倍呀!
返到屋企,BuBu預備咗個”雙料必殺技”俾我哋嘆,做完一輪清場功夫之後,啲獅子頭菜飯都消化哂,可能BuBu知道我嫌個飯難食啩,咪幫下我囉!
今日啲時間過得好快,因為不停有嘢做,非常充實!
前幾日,PP島帶咗啲花花細個時嘅相俾我哋睇,好得意,肥嘟嘟,真係好想”滅”佢個面豬”登”呀!
BuBu夜晚好乖,冇乜點出聲,連我哋食飯,佢都冇嘈,因為佢又一個新玩具,要將啲小食塞入去,等佢慢慢整番出嚟,都可以玩好耐架,玩完咪又瞓囉!
努力中
食極都食唔到,想發脾氣咁
終於食到啲喇,幾開心
(0)