尋晚老陳成點先返嚟,BuBu見佢返咗嚟先收聲,我想瞓都冇用,因為BuBu會不斷嘈,等到佢返嚟先可以靜,所以攪到今朝要飲番杯咖啡提下神!
喺公司我發現有啲人好識制造”Suddenly“,例如夾哂時間咁講電話逃被開會,到要執板喇,就即刻夾啱時間約人開會,仲要扮哂好”Suddenly“咁!
所以今日我都要”Suddenly“一下,仲一連三個㖭!
第一個”Suddenly”—-Yurdanur返咗嚟香港,約咗我哋飲茶,仲好”Suddenly“話預備咗啲禮物送俾我哋,好靚架!多謝哂!(我要咗隻碟仔,我仲連埋豬頭B嗰隻豉油碟變成頂帽帶喺唐老鴨度,So Cute)
第二個”Suddenly”—-同老陳諗緊食乜之際,我好”Suddenly“决定煮飯,因為雪櫃仲有啲菜!
第三個”Suddenly”—-食緊飯途中,BuBu好”Suddenly“咁便便,仲要係以前從未試過架,簡直激死我,估唔到BuBu都學識”Suddenly“!
今日我個Buddy–亞B正日生日,喺呢度祝佢生日快樂!
老陳今日上咗大陸嘅office,要好夜先返,唯有快啲返屋企陪BuBu啦,呀唔係,正式嚟講係BuBu陪我至真,不過返去途中遇上大塞車,攪到八點先返到去!
今日仲要特別鳴謝兩個人:
多謝PP島知道我唔鍾意將出前一丁過冷河,所以送咗日本版俾我,佢話呢隻皂水味冇咁重,多謝多謝!
多謝豬頭B見到我隻腳仲腫緊,所以食晏幫我買咗支去瘀膏俾我揩,多謝多謝!
尋晚瞓得好辛苦,因為一伸直隻腳就痛,而且仲係腫緊,開始變色㖭!
雖然隻腳痛,但都要出去睇煤氣爐,最快禮拜六就有人上嚟裝喇,好嘢!
原本買哂餸煮飯,點知經過見到太興開咗喎,咁就唔理喇,食咗先講,但係返去都要煮啲聽日帶,因為隻腳痛,唔想出街食!
呢個想去咗好耐嘅”Hello Kitty Secret House”,簡直俾佢啲廣告”坤”哂!
Very Disappointed!
第一”坤” : 不准在場內攝影! (平時啲雜誌Web Site介紹,個model又坐Sofa影,又攬住Kitty影,啲景幾好架,但又唔話俾讀者知不准影相,激死)
第二”坤” : 入場就有黑色或白色嘅布袋紀念品! (點知原來雜誌Web Site冇講到黑色係俾成人票,白色係俾優惠票,超衰)
第三”坤” : 好多嘢都請勿觸摸! (又唔影得,又唔摸得,只可齋睇,好似六十蚊去坐喺度睇場戲咁)
第四”坤” : 可以同蘋果太空船裡面個Kitty影相! (仲諗住攞定相機出嚟,點知入到太空船,原來係好似影貼紙相咁,有部電腦幫人影,而旁邊兩位職員就負責監視兼影完就趕人走,如果影衰咗,就冇辦法要再排過喇,至於買番幅相就好似迪士尼咁揸住張飛仔,去出口睇,買嘅話就五十蚊)
第五”坤” : 睡房講故仔! (雜誌Web Site介紹坐係床邊可以同Kitty講故仔,有個妹妹去試下玩,個職員好好人教佢玩,原來係叫妹妹先同Kitty打招呼Say”Hello”,然後就講”Kitty,Good Night”,只係兩句,點知Kitty走咗去瞓覺,乜嘢都冇得睇)
大家姐仲俾人”坤”多樣,就係俾我”坤”咗去呢度喇,哈哈!
不過今日仲發生咗個小插曲,去Hello Kitty之前,上展貿架Shuttle Bus嘅時候,仆咗一下,隻腳同我個心情一樣”好瘀”,痛到死,返到屋企己經腫咗成大舊,仲要唔止一個位㖭!遲啲仲要日日搭,實有陰影啦!
等我仲帶埋Model–Monchhichi著埋向日葵Look去影相㖭,搭車去嘅時侯係咁架—->
之後離開Secret House就係咁喇—> 
平時我哋食橙嘅時候,BuBu實嘈到拆天,所以家姐今日送咗舊橙俾BuBu,仲好興奮咁玩…..咗一陣,就放咗路邊喇!
(今日我出咗街,呢舊橙就當補番數啦!)
丘博士尋晚終於成功由英國飛咗去德國喇,大家姐可以安心啦,不過因為要避炸彈,所以佢要更改回程路線,攪到遲多一日先返,所以大家姐好順利咁俾我撩佢去展貿睇Hello Kitty,不過都要睇聽日瞓醒嘅心情,再算喎!
亞B話我哋尋日同佢慶祝生日,所以今日上完大陸趕返嚟,點都要請我哋食Tea,結果大家叫咗Pacific Coffee,除咗要同亞B講多謝之外,最重要就係希望杯咖啡可以幫到佢頂到眼瞓,返到屋企記得大覺瞓,生日當天先會…….哈哈!
BuBu爆樽呀,,,,,,,,,,,,,,,其實係佢飲水嗰個樽爆咗,只可以裝住少少水頂住先,所以掛起上嚟有啲搖搖欲墜,攪到BuBu唔敢飲,我今日返工嘅時候,真係有擔心過佢全日飲唔到水架,所以一放工就返咗去喇,好彩返到去見到BuBu飲飽食醉嘅樣,我都安心啲!
BuBu好似食煙斗咁,超串!
請Click上面個Play掣,BuBu就會同你打招呼喇!
今日提早咗幫亞B攪切蛋糕儀式,我哋仲製造咗個”十派士”俾佢,佢簡直係開心都嚟唔切嗰隻,個蛋糕好靚架,係Italian Tomato嘅出品—> 
預祝亞B,生日快樂!
放工又要去老尖一趟,去咗Simply Bread買麫包for聽日早餐,因為火車站啲早餐食到厭,我除咗買佢最出名嘅肉鬆飽之外,仲俾我發現呢個—>
係睛天公仔嚟架,咁得
意冇餡都要買啦,不過返到屋企,佢已經….身首二處了!
分贓結果係–我就要個身,老陳就要個頭!
今日又有一號風球喇,唔知打唔打得成呢?根據路”邊”社透露,聽日下晏有機會八號風球,個風會由台灣吹番嚟香港,睇嚟我都要做定防風措施了!
放工去咗老尖等老陳,”好順便”咁行咗一陣,又”好隨便”買咗件衫,兼”好有誠意”咁等埋老陳再去睇對鞋,結果”好感謝”老陳付款,真係–”door side” (多謝哂咁解)!
BuBu今日戴住家姐送俾我嘅”臭丸”型頸錬影咗幅相,都幾襯佢喎!
(0)