今日打開Sample Room見到成蘿紙皮箱好似就跌咁,萬一跌落嚟,頂住個門點開呀,點知高腰褲話係垃圾嚟嘅,垃圾梗係放出嚟個垃圾筒旁邊啦,放喺Sample Room度等”升值”咩, 所以我幫呢個廢人拎咗出嚟,仲貼埋張紙仔,寫明”垃圾,請清理”,等亞嬸記得收! 
放工去咗”香格里拉”度食嘢, 全名叫”香格里拉米線專門店”,唔係洒店喎,哈哈!
呢間嘢都食過好幾次,
我最鍾意食蒙古烤雞腿–>
同埋墨魚丸串燒—> 
而老陳就最鍾意食佢食極都唔厭嘅”勁辣”酸辣米線!
由於出咗去食飯,所以趕唔切八點鐘返到屋企進行熄燈嘅儀式,仲諗住響應節約能源嘛,但BuBu就冇miss到喇,係八點鐘嘅時候,佢就迫不得已響應咗喇!
BuBu今日俾我影到佢一幅好Cute嘅相,唔知呢個樣係咪就係PP島所講嘅Sweet樣呢?
(BuBu攞定水泡想去游水嗎?)
講起BuBu啲相, 唔知亞B記唔記得聽日帶BBQ啲相返工呢?
我相信佢有到此”Blog”一看過,一定記得嘅!
每個罐頭係貼有保存期限,當到期便要丟掉的,我完全明白,所以我絕對不會讓你破壞我的所有!快滾去垃圾筒吧!
曾經有位朋友Send咗段好好嘅文章俾我,今日就post出嚟一齊分享啦,雖然長啲,但很有意思!
(請Click下面閱讀全文)
晨早食咗個大到兩隻手掌咁大嘅菠蘿飽—> 
之後再去荃灣美心飲個茶,買咗幾套戲就返咗屯門入貨,尋日shopping完,今日梗係唔敢啦,只係去咗吉之島SuperMarket入啲嘢食啫!
成個晏晝出咗去,要趕住返去陪番BuBu補數,睇完”美女廚房”,就梗係睇套戲先瞓,先至係假期嘛!
追哂劇仲唔俾我瞓番夠本,起身食咗少少嘢再繼續瞓,一瞓瞓到五點,冇錯係五點呀,簡直係補番哂成個禮拜瞓唔夠嘅時間呀!
瞓飽哂,梗係要出街行下啦,原來屯門市廣場新起咗層新嘢,其中有間叫做”MW”,好似Disney專門店咁,好多米奇,唐老鴨嘅靚嘢賣架!
終於睇哂惡作劇之吻喇,去到最尾嗰幾集,真係好好睇,好感動,期待續集快啲出啦!在這讓我回味一下吧!
不過BuBu期待嘅新廁所,巳經送到喇,之前仲擔心佢用唔慣,點知一放好佢就即刻享用,一副好enjoy嘅表情,我諗佢好快就習慣喇!
BuBu的摩登茅廁大公開
今日發生咗我人生最瘀而且應該都算最多人注目嘅一件事,就係放工落到街,見到架Shuttle Bus準備開,由於要趕住去攞番部Notebook,所以非搭呢班車不可,咪諗住”徑步”追囉, 點知遇着超勁大風吹過嚟,唔敢行又唔敢企, 唔知點算好,身邊又冇嘢扶,只係見到遠處有兩個弱質女子同一個女管理員一齊扶住碌柱,我就用我僅餘嘅力量行過嗰碌柱度,紮番好個馬先, 點知嗰架車竟然停低等埋我, 呢刻我先知道全車人好似睇表演咁,望哂成個過程,我只好低着頭披住髮咁上車,落車嘅時候更不幸地撞到露絲雅小姐,所以佢都係目擊者之一!
都唔明白飛機同船都停航,出面啲嘢又被大風吹跌哂,人都被風吹得郁,咁鬼危險怎麽可能不掛八號風球呢??????
天文台,你令我太失望了!
亞B同隅言小姐都SKL,唔會因為尋日嘅Pokka啩,希望佢哋快啲好番啦!
今日公司好鬼靜, 只係間中嗰兩個”算爆三寶”喺度大聲講嘢, 佢哋真係名符其實嘅”算爆三寶”嚟架, 因為佢哋100%符合哂嗰三寶!
“縮骨,算爆,Lolandto(老X土)”
不過我唔會再理呢D廢柴,因為佢哋呢班新人係瘋人院病人, 理佢哋咪即係做咗瘋人院院長!
都係返屋企睇直樹好過!
(0)