日記 2006年07月25日
今日仍然超眼瞓, 上車瞓到落車, 返到公司又要繼續忙碌喇!
食完Lunch之後, PP島叫我幫佢睇住佢隻”煤炭屎鬼“咪俾佢走佬, 我就趁呢個機會影低佢喇—> 
其實係一個黑色嘅毛毛球電話繩嚟㗎,—-> 
(不過我叫佢做”煤炭屎鬼“, 等佢生動啲嘛! )
仲有我今日更加肯定咗一件事, 原來我同亞B有心靈相通架, 大家只要對望, 唔夠嘅話, 打多個眼色, 即刻唔駛講…明哂, 簡直掂掂掂呀! 諗番起都笑死!
(0)
日記 2006年07月24日
通常星期一都超眼瞓架, 所以返到去忍唔住要飲番杯濃烈嘅咖啡, 提堤神, 放咗兩日假, 所以今日非常忙碌!
今日要特別鳴謝一個人, 就係Hata先生喇, 因為佢幫咗我–個大忙, 原本諗住借套”惡魔”俾花花睇, 點知唔見咗頭四隻碟, 但自己又真係好想同花花一齊分享嘅關係, 好彩多得Hata先生嘅協助, 成功借到一套完整嘅”惡魔”返嚟俾花花, 所以花花要好好品嘗呀!
再次萬分感謝Hata先生, 你無時無刻都對晴天公仔咁好的! 
日記 2006年07月23日
BuBu今朝冇咁雀躍, 只係半睡狀態趴咗喺地, 我嗌佢, 佢一臉失落嘅表情望住我, 好似想問我啲人呢?老友記Woffy小姐呢? 超掛住佢哋咁嘅款, 但係我一話去街, 就即刻彈起身, 去定廁所飲定水, 準備又出發.
(佢個樣好鬼得戚架!)
BuBu雖然尋日出完街, 但因為要補祝姐夫丘博士嘅生日,
點可以少咗BuBu呢位家庭成員呢, 叉唔足電都要去啦!
我哋喺”Italian Tomato”訂咗個唯一一種Mocha味蛋糕, 大家姐話丘博士鍾意食嘛—> 
又真係勁好味, 值得再試!
~~~~~祝丘博士, “生日快樂!”~~~~~
夜晚去咗德福老地方食飯, 咪就係中國芳囉, 素菜飽我至愛–>
小籠飽家姐至愛–>
(隻手指係二家姐逼我影埋架, 佢要話俾人知真係Good喎!)
食飽經過KFC, 諗起花花話佢喺KFC食嘢途中, 小綜坐正佢對面, 我真係羨慕到爆呀, 點知我真係同佢見到同一個小綜呀, 我即係影低佢, 留個紀念嘛—->
仲有一樣比見到小綜更興奮嘅事, 就係竟然俾我見到”黑眼圈Monchhichi嘅BB”,
叫做Bebichhichi呀!–>
見佢當時係櫥窗度狂電我, 我梗係忍唔住啦, 唯有帶佢返屋企囉!
歡迎加入呀!
日記 2006年07月22日
~~~~~ “火辣辣燒烤大會” ~~~~~
巳經不用還有喇, 因為今日就係啦!
地點: 白石俱樂部
夠謄參與呢個滴住汗兼修身嘅燒烤大會嘅人仕有: (排名分先後到達)
小情, BuBu, 老陳, 華哥, Daniel, PP島島主, PP島上的花花, 隅言小姐, 楠楠媽媽, 楠楠爸爸, 楠楠, 可得小姐(Can得), 露絲雅, 亞B, Ada(亞B個妹), Chu Tau “B”, Kin哥!
一開始就set好隻招牌乳豬先, 之前睇過白石Web site幅乳豬相, 大大隻好吸引, 點知嚟到睇, 原來係隻”侏儒乳豬”嚟桇, 不過冇所謂啦, 都係志在個過程啫!
被燒前—->
三粒鐘被燒後—->
燒到中場, Woffy小姐終於趁太陽伯伯瞓咗, 就超興奮咁嚟到喇, 亞B好努力安撫好佢嘅”大鄉里”心情之後, 就可以鬆一口氣了, 唔緊要, 以前BuBu都會大鄉里架, 不過多D出街就冇事嘅!
我今日好高興認識久仰大名嘅”花花”, 佢同PP島係一對姊妹花, 好可愛架, 如同Twins呀!
而BuBu就非常歡迎佢嘅新老友Woofy小姐—> 
, 希望日後再有機會再出嚟玩過! 
結束時間係十一點正, 辛苦喇大家!
鳴謝大家抽空出席, 撞啱今日”尾期”生日, 恭喜哂呀,
But i'm so sorry, 我哋竟然記得”唔”諗住邀請佢嚟慶祝!
哈 哈 哈!
日記 2006年07月21日
~~~~~ “火辣辣燒烤大會” ~~~~~
還有 一 天!
為慶祝亞B三個月之喜(係份工呀!), 所以佢話請大家食”Pacific Coffee”嘅Tea,我仲好整齊咁寫低哂各位食家嘅要求.—>
而我就叫咗一個”朱古力狂想曲!
評語係:超超超超超好味!
~~~~~~~~~~多謝哂亞B!~~~~~~~~~~
食飽咗放工去行書展就啱哂喇, (PP島話文化人就會去, 所以我二話不說即刻應承老陳同佢去喇! 因為我都係…..文化人嘛, 哈哈)
去到灣仔要兜大圈先入到個場, 裡面勁多人, 多到想行埋去攞本書睇下都好艱難, 結果足足用咗三粒鐘先行完呢個展覽, 其實老陳仲未夠㗎, 不過因為十點收喇, 所以先嗱嗱林買埋就走, 我就買咗四本書, 其中兩本係狗書, 學多D點樣照顧BuBu嘛! 哈哈!
戰利品–> 
(不算多但勝在啱使!)
日記 2006年07月20日
~~~~~ “火辣辣燒烤大會” ~~~~~
還有 二 天!
尋日有一件事未解决, 但今日就解决咗, 好嘢, 值得鼓掌! 由於阿B病咗冇返工, 所以 “Oh! You're Missing!” , 錯過了, 不過唔緊要, 呢個㷛”lone”粥咁”籮”嘅情境, 實會再出現嘅, 最緊要係—(你要快D好番呀!)
放工去咗屯門市廣場嘅雪糕展, 仲諗住狂掃貨, 點知全場得四個攤檔, 係即買即食嗰種甜筒款, 又唔吸引, 成個場最正都係呢兩舊雪糕喇!
BuBu今日玩雜技同地拖表現, 叫我Share俾大家睇喎!
(好睇就記得留言呀!) (P.S. 不過唔係好清!)
