今次真係做足成年Gym都唔掂呀, 今日竟然喺隔離海逸酒店食Lunch, 最正就係朱古力慕絲蛋糕, 其實都OK, 只係欠缺咗啲mood啫, 相信星期六白石BBQ, 我啲mood必定返哂嚟嘅!
除咗食Buffet之外, 仲有第二個竟然, 就係 “電車女” 喺一日之內同我講多過五句說話, 太好喇, 其實佢份人同心地好好架, 只係被動D啫! 由於不便透露佢真名, 所以就咁形容住先啦!
老陳醒咗啲好嘢俾我, 勁得意架, 所以要post 出嚟俾大家睇!
佢仲叫我, (心情唔靚望下佢, 班斜膊更加唔駛理佢!) 
小情病倒了, 休息一天!
BuBu只好守候, 擺出一副 “請勿搔擾”,嘅惡樣!
(仲要四隻腳撐哂出嚟坐, 哈哈, 問你怕未?)
由於今日必須要留响安全地方, 即係我將床呀, 所以一瞓已經瞓到五點先起身, 連原定與 “鈐木仁” 嘅約會, 我都決定失約了!
“鈐木仁” 有緣再見吧!
最新消息: 小情部落格換咗背景音樂啦, 大家好好
enjoy my blog 吧!
天氣消息: 小情話你知, 外面間中有雨!
BuBu突然大聲一叫, 我巳經醒哂, 望下鬧鐘九點幾咋, 原來因為老陳晨早已經開緊餐, 引致BuBu睇唔過眼自己冇得食, 唯有駛出絕招, 瘋狂大叫, 等我哋投降俾餅餅佢食, 結果…….佢嘅鬼計成功…..!
出面超大風, 諗住喺屋企抖下, 但係晏晝都係捨棄咗BuBu, 出去行咗一陣, 忍唔住手又買嘢, 不過都有買咗D餸, 返去做個煮飯婆, 都算有D貢獻嘅!
半年零一日嘅今天, 小情終於哭了, 更堅強的也忍不住!
由今天起我唔會再出手幫助一D人, 特徵如下:
1. 表達能力甚差,
2. 衣著品味老土,
3. 荷爾蒙嚴重失調,
4. 仲有膊頭斜,
(例如—嚴重醜樣版嘅”福”, “祿”, “壽”!)
人人都希望有好運降臨,
但係,
佢哋有嘢做就諗住揾人,
而我,
就諗住費事理人!
根據 “NOMB” 調查公司-(簡稱None Of My Business)嘅調查報告, 發現咗我公司裡面, 擁有膊頭傾斜的人, 日漸增加, 專家Dr. Stupid分析結果顯示, 擁有這種膊頭嘅人仕, 由於長期生處於低”蛙”地區(井底之蛙個種), 加上由於平時做事怕蝕底, 跣人有計仔, 有事仲會即係過繼(好似肚瀉咁, 瀉得超快), 最慘就係——”冇得醫”, Dr. Stupid仲話擁有呢種膊頭嘅人比率係萬分之一, 而我公司竟然有咁多, 只好慨嘆一句,
願主祝福您們! (放咗工就冇事架喇!)
公司零食部大公開—–哇….哇….哇….
今日同沙士傾開俾佢Train Up嗰隻哥基犬, 點知幾個月前已經因為急性肝炎, 離開咗, 仲要只得五歲咋, 聽到之後我個心不知幾心酸呀, 雖然係人哋隻狗, 但知道件事發生得好突然, 真係覺得好慘架, 而且主人仲將佢以前一啲生活照製成一段Video, 加上 “愛是不保留” 呢首歌做背景音樂, 充份感受到佢主人真係好愛佢, 因為段片實在係太感動喇!
就俾條Link大家同我一齊分享啦–>http://www.youtube.com/watch?v=DDB8iNhyCAo&search=corgi%20bang
(賓賓, 你實在太可愛喇, 真心希望你去到天堂嘅時候, 過得幸福快樂!)
(0)