放咗工心血來潮去咗(”價廉”威老道)行街, 差不多行到七點老陳先放工, 所以今日我哋成功做咗無”飯”夫婦喇!
晏咗返屋企, 唔知BuBu會唔會發脾氣周地放地雷呢?哈哈, 經典地冇喎!
BuBu, 你真係乖喇… (今日咋)!
講起返屋企, 亞B話今日會早D走, 返去陪Woffy大小姐, 聽講Woffy小姐同BuBu一樣, 一話去街就會 “未出發先興奮” 嗰隻, 睇嚟佢哋可以做”Match” Friend, 唔係”Best” Friend喇! 哈哈! 
今日我仲要介紹BuBu嘅老表—–>
呢位叫做 - 肥妹(係一隻英國短毛貓), 係三家姐屋企裏面嘅千金小姐嚟架, 皆因佢同BuBu有親戚關係, 所以大家都有同一個血統, 就係”肥”喇, 平時嘅嗜好係……..唔出街……….哈哈哈!
爭冠軍嘅世界盃, 點都要堐眼瞓睇嘅, 攪到今日返工即刻要冲杯咖啡提下神呀!
亞B對BuBu好好呀, 買咗一個玩具送俾佢,
就係呢個喇—–>
, 有啲噹噹聲架, 我都要幫BuBu諗下, 嚟緊BBQ約會, 要結識Woffy小姐喎, 要買樣嘢作為 “定情信物”, 唔係, 係 “見面禮” 先啱, 要含畜啲嘛!
我返到去梗係即刻拎出嚟送俾佢啦, 佢完全失哂控咁, 開心到要攪住份禮物影番幅相, 等亞B知道佢有幾Happy….
多謝亞B, 多謝亞B, 多謝亞B, 多謝亞B, 多謝亞B, 多謝亞B, 多謝亞B!
最新消息: 小情已經成功係呢個Blog度加咗
Background Music, 令睇緊我嘅日記時, 更加有Feel,
好嘢!@@
晏晝去咗 “五月花”, 唔係廁紙呀, 係茶樓嚟架, 都係第一次去咋, 因為椰林閣超多人, 另外–間茶樓又要等成七＋個, 所以唯有試呢間啦, 有兩個點心名好攪笑架, ——> 
一個春風得意嘅 “粉” 腸, 同埋比十號風球更犀利嘅”榴槤龍卷風”, 到時一定臭死人呀…..
星期六朝早, 太陽伯伯遲咗起身, 個天即刻 “喊” 哂口,
好彩放工嘅時候, 太陽伯伯醒咗喇!
咁好天, 梗係去行一陣街, 買下嘢先返屋企啦, 返到屋企又要開始執屋大變身第二回嘅時候喇, 快手快腳整好就要睇 “香港先生選舉” 嘛! 之前睇好嗰個同老陳個名差一個字嘅 “陳志健”, 點知真係贏咗健力組冠軍, 不過臨尾態度太輕佻, 所以香港先生個獎就輸咗俾瀟灑組冠軍0路!
由於香港先生選舉實在太好笑同好睇, 所以BuBu被泠落咗一陣, 佢唯有玩自拍啦!
唔信?睇下幅相——> 
今日豬頭B鼻敏感又發作了, 希望佢下個星期一冇事啦, 保重呀!
Lunch一齊去咗 “太興燒味”, 我嗌咗過 “新西蘭牛柳絲瑞士汁炒濕河” , 簡直係Good Good Good 呀! 值得再試….
BuBu今日又放地雷, 俾佢激死我喇, 仲要清理埋現場先可以食飯, BuBu呀, 你乖D啦!
公司裡面嘅七朵花, 鐵定於二十二號攪個
“火辣辣BBQ” , 記得報名呀!
(好期待見到島上嘅花花啦, 亞B嘅愛犬-金毛小姐,
Thomas支持者-楠楠)
唔知大家期唔期待我家嘅百厭星-BuBu呢?
講到呢到, 好想ZzZZZzzZZZzz…
今日Lunch大家都各自閃, 去私竇等, 成功出席嘅人仕有—(排名”分” 先後到達) 豬頭B, 楠媽, 小情, CC, 亞B, PP島, 隅言小姐, 恭喜哂各位, 呢餐飯係要慶祝 “楠媽” 過咗三個月, 恭喜恭喜!
(Thomas 支持者–楠楠, 你要乖D呀, 知道嗎, 媽咪做嘢好辛苦架!)
仲有一樣要恭喜嘅, 就係今日我個好老友-法拉利打嚟, 佢成功揾到份好嘢, 佢仲慘過我, 公司有幾個 “尾期” 嗰種人, 所以非走不可, 希望法拉利份新工會開心D啦, 我仲應承佢一定會約食飯架, 因為真係 “long time no see….”
老陳要O.T. 攪嗰個乜鬼ERP system, 攪到我今晚要食自己, 由於我哋平時一齊返多, 所以老陳今日一遲返啫, BuBu好似點唔齊名咁, 每隔五分鐘就對住門或床狂叫, 知道狂叫老陳都係未返之下, 只好使出佢第二招數, 就係—–> 
咬老陳條褲出嚟, 仲 趴埋上去㖭, BuBu見少佢一陣就會有呢D怪招架喇, 哈哈!
竟然一日裡面有兩件咁都可以發生嘅事呀…….
第一件事就係, 晨早鬧鐘響咪起身囉, 點知冲哂涼洗哂頭先發現個時間係六點零九分, 足足較快咗一個鐘, 簡直激死我, 唔怪得其他鬧鐘唔響啦, 當時BuBu只好比呢個反應我——–> 
(Bu媽係懞丙呀
)
第二件事仲衰, 原本一行六人順利用九秒九閃出去”屎”多啤梨, 諗住食餐安樂茶飯, 點知個”尾期”, 做咗個 “跟尾狗, 唔知醜, 大口狗, 仲要係面皮厚過佢籮柚” 咁走入嚟搭枱, 仲要講多一句, “想撇甩我, 冇咁易!”, 好心啦, 個衰樣簡直好似幅圖咁—–> 
犯眾憎, 樣衰都爆燈呀! 大家都知我係唔鍾意戴住假面具對人架啦, 更加唔會奉承呢D廢人, 所以我同亞Ｂ食呢餐飯冇D安樂之餘, 仲好鬼 “氣結” 呀, (亞B, 我係絕對明白嗰種感受架!)
好啦, 希望大家聽日變成鬼影人, 佢就
時運高睇我哋唔到啦!
(0)