今日經典地同稀客坐埋一齊開咗個”Mini” Meeting,主要講返我喺三合工程嘅安排,個情形就好似胡迪同任老總入咗鋪頭行完一個round後,講好”電視框(Discount)”,然後冇買到兼未到新年就”運盤吉(運吉)”入嚟,但就好有交帶咁講句”唔該哂”嗰隻呀! (因為會議結論係兜咗成個大圈,講咗一輪廢話,冇進展,只係有交帶咁開個會交個代,結果都係回到原點!)
呢兩日好勤力玩我個新玩意,所以冇乜同BuBu影相,所以我要Post番BuBu嘅Video出嚟滿足番佢啲Fans!
(BuBu剪毛後,佢條尾好似個啦啦球咁,Fing下Fing下,好得意架!)
(BuBu有時都會鬼鬼鼠咁Bear住人架!)
今曰係我好友之一嘅法拉利小姐生日,晨早已經send咗個SMS俾佢,同佢講番句Happy Birthday,仲有梗係祝佢早日達成哂所有願望啦! 
今日請咗半日假,因為份單雖要我去一次Body Check,希望冇事全部都保就好喇!
個三合工程終於完成,可以鬆一口氣喇!
智者前幾日去大佛嘅時候,發現有張書簽上面寫住嘅嘢,好想我記住,就係:
不應觀察他人的過失,或巳做與未做的善惡事,
應只省察自己巳做與未做的事!
Pay little heed to others' wrongdoings, or what they have done or will do.
Pay close attention to what you yourself have done or will do.
智者嘅意思即係叫我唔駛理其他人咁解,哈哈!
不過啲人真係離哂大譜架,講是非就有時間,有嘢做就話好Busy,其實就好Lazy!
一向貪新忘舊嘅我,見到新玩意又點會記得老拍擋呢,時裝界要換季,小情瘦身界都要一樣換季,夏天有OTO修身帶幫我,呢個秋季俾我揾到另一個新幫手,我會堅持到底,ByeBye喇OTO!
咁我就預先送別我嘅連體脂肪,再見喇,唔駛掛住我架,更加唔駛再嚟揾我0路!
晏晝約咗奶奶飲茶,所以搭咗15號巴士,之後轉咗”11號”巴士搭咗一個站,再轉小巴先到!(邊個叫自己早咗一個站落車咩,如果唔係咪可以慳番搭”11號”呢程車囉!)搭15號時,俾我撞到軟淋淋個爸爸,佢成程車喺到睇書,原來佢係文化界架,不過撞到佢,好過撞到胡迪嘅!
聽講小花尋日去咗迪士尼,所以PP島送咗一支筆俾我,多謝PP島同小花呀! 
(嗰支筆當然就係成個筆筒裡面最靚嗰兩支嘅其中一支啦!)
鮗於買咗ans嗰個袋,我突登約埋智者幫下眼,順便攞埋”360″份禮物嘛,因為佢今日去咗試搭纜車呀!
仲有其中一個收獲就係我終於買咗成套Kitty嘅扭蛋機,好開心呀!
呢幅亞笨與亞占係喺BuBu嘅姑媽屋企發現架,咁正當然要影低post出嚟分享下啦! 
開學了,暑假咁快就完喇!
今日真温馨,返到公司發現隻鴨仔竟然有人幫我轉咗日子,我仲以為PP島同隅言小姐,點知爆冷,原來係電車女,睇嚟佢真係一個唔聲唔聲嚇你一驚嗰種人喇!
BuBu嘅老表”肥妹”真係好大隻呀,仲好似BuBu咁趴埋地㖭,好得意呀!
今日好充實,不斷打Report之下度過,仲要使出心無雜念法咁做嘢,如果唔係咁嘅話,真係食”靜心”都冇叉用!
放工同師父傾咗一陣電話,傾下大家嘅近況,其實順便同佢報案話佢知,我唔記得Amanda小姐嘅生日,點知原來師父咁有心,send咗個SMS俾佢,真係夠老友喎!師父仲話自己已有計劃準備結婚,真係恭喜哂呀!
杏兒已經開始修身,小情都要加油呀!
(0)