隨心 2006年07月30日
今日只可講一個
“重點” ,
煲碟煲足一日, 己經講到”直樹同湘琴升咗大學了”
(0)最新消息: 小情部落格換咗背景音樂啦, 大家好好
enjoy my blog 吧!
天氣消息: 小情話你知, 外面間中有雨!
BuBu突然大聲一叫, 我巳經醒哂, 望下鬧鐘九點幾咋, 原來因為老陳晨早已經開緊餐, 引致BuBu睇唔過眼自己冇得食, 唯有駛出絕招, 瘋狂大叫, 等我哋投降俾餅餅佢食, 結果…….佢嘅鬼計成功…..!
出面超大風, 諗住喺屋企抖下, 但係晏晝都係捨棄咗BuBu, 出去行咗一陣, 忍唔住手又買嘢, 不過都有買咗D餸, 返去做個煮飯婆, 都算有D貢獻嘅!
今日老陳因為要返公司幫個新system做setting, 所以我都剩低BuBu一個, 揾阿ming幫我染頭, 阿ming今次見到我, 又再次嚇親佢, 皆因結咗婚之後, 每見我一次, 我就發脹一次, 不過佢話都慣啦, 識我咁多年我都係時肥時瘦, 只係今次嚴重D啫! 大家一輪想當年之後, 個頭終於完成, 橫掂呢排咁紅 (成人俾 “尾期” 嗌做嘢, 仲唔係紅得滯咩!), 染咗個 “紅” 運當頭, 老陳就話我成粒栗子咁喎!
整完頭, 就出咗MK等埋老陳準備出席飯局, 我之前都話會籌備飯局架啦, 第一個被邀請嘅就係亞哥喇, 原本約埋Anna嘅, 點知打唔到俾佢, 所以我哋同亞哥去咗 
(水道橋創作料理) 食日本嘢, 啲嘢食超細碟, 所以唔覺唔覺都叫咗好多碟嘢食, 但都好好味, 值得一提就係呢碟——–>
二十八件壽司, 只需$128, (就係掛住影呢幅相, 所以佢兩條友仔巳經夾走幾件食緊0路), 食完行咗一陣, 買咗幾件衫就返屋企0路, 因為我哋都要陪下我家的大少爺–BuBu 嘛! (如果唔係佢就會周屋放地雷, 問你怕未?)
今日同阿B去咗Strawberry食石頭飯, 所以放咗都係叫做B, 但係叫做”豬頭B” 嘅飛機, 其實我只係想透透氣啫, 豬頭B咁好人唔會怪我哋兩嗰嘅, 食完lunch無耐, PP島買咗超好味嘅雪條返嚟請大家食 —–> 
(朱古力味) , 多謝PP島, (無PP島咁敢於嘗試選中個完全冇office經驗, 淨係識賣笑嘅我, 我都食唔到今日呢條雪條呀, 哈哈), 不過真係真心萬分感謝PP島㗎! 
近排好多friend話約食飯, 計下計下結完婚之後, 都成年冇乜參與任何飯局, 最大原因係因為我而家肥到成個”胡杏兒”咁 —–> 
(不過我有自知自明,冇佢咁正),唔信嘅話不防問下成日都見嘅”爸爸” (Alex)啦! 不過我將會攪下飯局架喇, (各位老友等下啦!)
講開老友尋日小小打俾我, 佢0係喜記原來咁快做咗成年喇, 時間過得真快, (我哋原來分開咗成年了, 回憶番以前我哋最開心嘅日子, 就係小小帶成盒雞翼返嚟, 兩條友就係咁當飯食, Auntie整嘅雞翼係全世界最好味架)
除咗小小之外, 同我同名同姓嘅細Kar我哋今日通過電話, 佢話前幾日揾完馮小姐睇相, 改過有個”菊”字嘅名, 就會令桃花運旺盛, 所以以後我會記得叫 “小菊” 架喇! 仲有呀, 小菊話我知佢公司裡面某同事勁衰, 衰到拍得住我公司嗰個 “尾期”, 簡直係堆田區都唔收嘅廢人呀!
如果打小人, 第一個我實打 “尾期” , 為自己之餘為埋我D同事,
第二個梗係幫小菊打呢個衰人, 為佢出番啖氣啦!
各位老友, 同事—–> ———> ——–> ———-> Fighting! Fighting! Fighting!
好啦, 今日到此為止, 我要迎接聽日嘅大日子…….. ( ” 七一 ” 嘛)
| 1
