日記 2006年07月28日
好嘢, 終於買咗”惡作劇之吻”喇, 突然走去買, 都係因為真係需要揾D嘢Relax下, 有時間想打番兩鋪機, 仲要係打打殺殺嗰隻Game㖭呀!
有時真係唔明D人, 次次都唔理你唔應你, 好似個耳窿塞住成堆”X”<---(核突嘢自己諗下係乜), 識應你嗰D人就句句"頂心摻", 更離普嘅就係當正自己好似高官, 係佢哋心目中其他人只係草民一名, 諗嘢又膚淺!
唔通真係要—”各家自掃門前雪“!
(那麽我要”臘”定把掃把了!)
(0)
日記 2006年07月27日
今日自己都覺得著得求其咗啲, 因為見落大雨, 所以破天荒喺平日著咗對”人字拖”, 返到公司史密夫仲問我係咪去耕田㖭! 哈哈!
終於派咗喇, 真係多謝公司一直以嚟對我嘅賞識同照顧, 喺度學咗好多嘢, 更加多謝PP島當時咁大膽請一個淨係識得笑嘅朦丙, 即係我呀, 仲要辛苦哂隅言小姐, 總之就乜人都多謝啦!
放工撞正同胡迪一部Lift, 吹咗兩句水, 諗諗下喺呢度做咗半年, 都算係第一次同佢搭同一部Lift喇!
日記 2006年07月26日
今日嗰班”A”字膊齊哂人喺度, 攪到個氣氛好似唔知點咁, 就好似明明出面陽光普照, 但晏晝都即刻天黑黑落起雨嚟咁!
“地球先生病咗, 唔知佢會唔會好番呢?”
PP島今日病咗冇返工, 尋日佢都唔係好得架喇, 休息下吧, 有D咩好番先再做啦, 身體要緊嘛!
祝PP島, 早日康復! (花花要好好照顧島主呀!)
放工諗住搭車瞓番個靚覺, 點知撞正兩個講嘢”姣”到死嘅男仔坐正我後面大大聲傾計, 都唔知係咪斷背㖭呀! 結果我要較番大聲部MP3先瞓得着, 真黑仔, 如果有靜音巴士就好喇!
呀仲有要多謝豬頭B晨早的禮物— 好多狗狗做封面嘅Note Book!
日記 2006年07月25日
今日仍然超眼瞓, 上車瞓到落車, 返到公司又要繼續忙碌喇!
食完Lunch之後, PP島叫我幫佢睇住佢隻”煤炭屎鬼“咪俾佢走佬, 我就趁呢個機會影低佢喇—> 
其實係一個黑色嘅毛毛球電話繩嚟㗎,—-> 
(不過我叫佢做”煤炭屎鬼“, 等佢生動啲嘛! )
仲有我今日更加肯定咗一件事, 原來我同亞B有心靈相通架, 大家只要對望, 唔夠嘅話, 打多個眼色, 即刻唔駛講…明哂, 簡直掂掂掂呀! 諗番起都笑死!
日記 2006年07月24日
通常星期一都超眼瞓架, 所以返到去忍唔住要飲番杯濃烈嘅咖啡, 提堤神, 放咗兩日假, 所以今日非常忙碌!
今日要特別鳴謝一個人, 就係Hata先生喇, 因為佢幫咗我–個大忙, 原本諗住借套”惡魔”俾花花睇, 點知唔見咗頭四隻碟, 但自己又真係好想同花花一齊分享嘅關係, 好彩多得Hata先生嘅協助, 成功借到一套完整嘅”惡魔”返嚟俾花花, 所以花花要好好品嘗呀!
再次萬分感謝Hata先生, 你無時無刻都對晴天公仔咁好的! 
日記 2006年07月23日
BuBu今朝冇咁雀躍, 只係半睡狀態趴咗喺地, 我嗌佢, 佢一臉失落嘅表情望住我, 好似想問我啲人呢?老友記Woffy小姐呢? 超掛住佢哋咁嘅款, 但係我一話去街, 就即刻彈起身, 去定廁所飲定水, 準備又出發.
(佢個樣好鬼得戚架!)
BuBu雖然尋日出完街, 但因為要補祝姐夫丘博士嘅生日,
點可以少咗BuBu呢位家庭成員呢, 叉唔足電都要去啦!
我哋喺”Italian Tomato”訂咗個唯一一種Mocha味蛋糕, 大家姐話丘博士鍾意食嘛—> 
又真係勁好味, 值得再試!
~~~~~祝丘博士, “生日快樂!”~~~~~
夜晚去咗德福老地方食飯, 咪就係中國芳囉, 素菜飽我至愛–>
小籠飽家姐至愛–>
(隻手指係二家姐逼我影埋架, 佢要話俾人知真係Good喎!)
食飽經過KFC, 諗起花花話佢喺KFC食嘢途中, 小綜坐正佢對面, 我真係羨慕到爆呀, 點知我真係同佢見到同一個小綜呀, 我即係影低佢, 留個紀念嘛—->
仲有一樣比見到小綜更興奮嘅事, 就係竟然俾我見到”黑眼圈Monchhichi嘅BB”,
叫做Bebichhichi呀!–>
見佢當時係櫥窗度狂電我, 我梗係忍唔住啦, 唯有帶佢返屋企囉!
歡迎加入呀!
日記 2006年07月22日
~~~~~ “火辣辣燒烤大會” ~~~~~
巳經不用還有喇, 因為今日就係啦!
地點: 白石俱樂部
夠謄參與呢個滴住汗兼修身嘅燒烤大會嘅人仕有: (排名分先後到達)
小情, BuBu, 老陳, 華哥, Daniel, PP島島主, PP島上的花花, 隅言小姐, 楠楠媽媽, 楠楠爸爸, 楠楠, 可得小姐(Can得), 露絲雅, 亞B, Ada(亞B個妹), Chu Tau “B”, Kin哥!
一開始就set好隻招牌乳豬先, 之前睇過白石Web site幅乳豬相, 大大隻好吸引, 點知嚟到睇, 原來係隻”侏儒乳豬”嚟桇, 不過冇所謂啦, 都係志在個過程啫!
被燒前—->
三粒鐘被燒後—->
燒到中場, Woffy小姐終於趁太陽伯伯瞓咗, 就超興奮咁嚟到喇, 亞B好努力安撫好佢嘅”大鄉里”心情之後, 就可以鬆一口氣了, 唔緊要, 以前BuBu都會大鄉里架, 不過多D出街就冇事嘅!
我今日好高興認識久仰大名嘅”花花”, 佢同PP島係一對姊妹花, 好可愛架, 如同Twins呀!
而BuBu就非常歡迎佢嘅新老友Woofy小姐—> 
, 希望日後再有機會再出嚟玩過! 
結束時間係十一點正, 辛苦喇大家!
鳴謝大家抽空出席, 撞啱今日”尾期”生日, 恭喜哂呀,
But i'm so sorry, 我哋竟然記得”唔”諗住邀請佢嚟慶祝!
哈 哈 哈!
