今日Lunch大家都各自閃, 去私竇等, 成功出席嘅人仕有—(排名”分” 先後到達) 豬頭B, 楠媽, 小情, CC, 亞B, PP島, 隅言小姐, 恭喜哂各位, 呢餐飯係要慶祝 “楠媽” 過咗三個月, 恭喜恭喜!
(Thomas 支持者–楠楠, 你要乖D呀, 知道嗎, 媽咪做嘢好辛苦架!)
仲有一樣要恭喜嘅, 就係今日我個好老友-法拉利打嚟, 佢成功揾到份好嘢, 佢仲慘過我, 公司有幾個 “尾期” 嗰種人, 所以非走不可, 希望法拉利份新工會開心D啦, 我仲應承佢一定會約食飯架, 因為真係 “long time no see….”
老陳要O.T. 攪嗰個乜鬼ERP system, 攪到我今晚要食自己, 由於我哋平時一齊返多, 所以老陳今日一遲返啫, BuBu好似點唔齊名咁, 每隔五分鐘就對住門或床狂叫, 知道狂叫老陳都係未返之下, 只好使出佢第二招數, 就係—–> 
咬老陳條褲出嚟, 仲 趴埋上去㖭, BuBu見少佢一陣就會有呢D怪招架喇, 哈哈!
竟然一日裡面有兩件咁都可以發生嘅事呀…….
第一件事就係, 晨早鬧鐘響咪起身囉, 點知冲哂涼洗哂頭先發現個時間係六點零九分, 足足較快咗一個鐘, 簡直激死我, 唔怪得其他鬧鐘唔響啦, 當時BuBu只好比呢個反應我——–> 
(Bu媽係懞丙呀
)
第二件事仲衰, 原本一行六人順利用九秒九閃出去”屎”多啤梨, 諗住食餐安樂茶飯, 點知個”尾期”, 做咗個 “跟尾狗, 唔知醜, 大口狗, 仲要係面皮厚過佢籮柚” 咁走入嚟搭枱, 仲要講多一句, “想撇甩我, 冇咁易!”, 好心啦, 個衰樣簡直好似幅圖咁—–> 
犯眾憎, 樣衰都爆燈呀! 大家都知我係唔鍾意戴住假面具對人架啦, 更加唔會奉承呢D廢人, 所以我同亞Ｂ食呢餐飯冇D安樂之餘, 仲好鬼 “氣結” 呀, (亞B, 我係絕對明白嗰種感受架!)
好啦, 希望大家聽日變成鬼影人, 佢就
時運高睇我哋唔到啦!
哇, 首先要多謝 “亞B” 請食超好味嘅朱古力雪糕糯米糍, 真係好好味架, (花花快啲叫島主買返去妳個島食啦) ——-> 
我哋買家庭裝都係皆因大家好似一家人咁,一條心, 若然打小人的話, 基本上目標都一樣, 根據小情嘅 “夢” 理學嚟睇, 呢條友定必喺打小人高峯期間, 成身痛到要sick leave, 肯定比起臨帶客前嘅腸胃炎更利害呀
, 哈哈! (算我口衰都要講架喇, 呢條友實在係公司裡面唯一一個犯眾憎, 認同嗎?)
經過 “江華” 個位, 我帶走咗佢個黑鬼老友, 好型㗎, 又識唱歌又識跳舞, 對於小情嗰種三分鐘熱度嘅性格, 不出三日我就會送返走架喇, “江華”, 你放心啦! 
有請我個黑鬼老友出場, ——> 
歡迎歡迎!
以下因應BuBu大少嘅要求, 佢話近排發現好多人類 “有壓力, 未解决” , 所以要比啲好嘢妳哋睇, 為大家減壓喎! (快啲click去睇下啦! )
(老陳叫狗, 越叫越走呀!)
首先要恭喜自己 “三峽工程”, 呀唔係, 係 “三合工程” 終於大功告成, 好嘢
!
另外, 等足一個月, 終於等到喇, 咪就係張新床囉, 為咗慳位, 俾多D地方BuBu玩, 所以特別要換過張床, 仲要高到離地二十八寸高, 苦果上床瞓覺就要好似”樹熊”咁爬上去, 哈哈! 而我個Monchhichi家族就暫時放住先, 等我有時間再幫佢哋揾過好D嘅棲身之所啦!
除咗張床終於送嚟之外, 豬頭B今日送咗個超得意嘅禮物俾我——–> 
係支迷你筆仲係水瓶座㖭!
多謝豬頭B, 我會因應 “健哥哥” 嘅要求, 學整–(紐約芝士餅) 架喇, 哈哈!
一起身, 老陳就帶我哋個污糟Bu去沖涼, 趁BuBu唔係屋企, 我哋就大執位迎接聽日張新床嘅來臨, 兼且執一執BuBu就可以多啲空間玩喇!
之前阿B講過有本書叫做 “看得見的感動‧10個人與小狗的故事” , 佢話睇到喊, 可以令到喺我心目中幾堅強嘅阿B被感動到喊嘅, 呢本書應該係好得啦, 所以我都去買咗一本嚟睇, 唔知係咪就係呢本呢? ——> 
我只係睇咗幾個故事咋, 都巳經感動到喊了, 所以BuBu我會錫你多D架喇!
今日老陳因為要返公司幫個新system做setting, 所以我都剩低BuBu一個, 揾阿ming幫我染頭, 阿ming今次見到我, 又再次嚇親佢, 皆因結咗婚之後, 每見我一次, 我就發脹一次, 不過佢話都慣啦, 識我咁多年我都係時肥時瘦, 只係今次嚴重D啫! 大家一輪想當年之後, 個頭終於完成, 橫掂呢排咁紅 (成人俾 “尾期” 嗌做嘢, 仲唔係紅得滯咩!), 染咗個 “紅” 運當頭, 老陳就話我成粒栗子咁喎!
整完頭, 就出咗MK等埋老陳準備出席飯局, 我之前都話會籌備飯局架啦, 第一個被邀請嘅就係亞哥喇, 原本約埋Anna嘅, 點知打唔到俾佢, 所以我哋同亞哥去咗 
(水道橋創作料理) 食日本嘢, 啲嘢食超細碟, 所以唔覺唔覺都叫咗好多碟嘢食, 但都好好味, 值得一提就係呢碟——–>
二十八件壽司, 只需$128, (就係掛住影呢幅相, 所以佢兩條友仔巳經夾走幾件食緊0路), 食完行咗一陣, 買咗幾件衫就返屋企0路, 因為我哋都要陪下我家的大少爺–BuBu 嘛! (如果唔係佢就會周屋放地雷, 問你怕未?)
今日同阿B去咗Strawberry食石頭飯, 所以放咗都係叫做B, 但係叫做”豬頭B” 嘅飛機, 其實我只係想透透氣啫, 豬頭B咁好人唔會怪我哋兩嗰嘅, 食完lunch無耐, PP島買咗超好味嘅雪條返嚟請大家食 —–> 
(朱古力味) , 多謝PP島, (無PP島咁敢於嘗試選中個完全冇office經驗, 淨係識賣笑嘅我, 我都食唔到今日呢條雪條呀, 哈哈), 不過真係真心萬分感謝PP島㗎! 
近排好多friend話約食飯, 計下計下結完婚之後, 都成年冇乜參與任何飯局, 最大原因係因為我而家肥到成個”胡杏兒”咁 —–> 
(不過我有自知自明,冇佢咁正),唔信嘅話不防問下成日都見嘅”爸爸” (Alex)啦! 不過我將會攪下飯局架喇, (各位老友等下啦!)
講開老友尋日小小打俾我, 佢0係喜記原來咁快做咗成年喇, 時間過得真快, (我哋原來分開咗成年了, 回憶番以前我哋最開心嘅日子, 就係小小帶成盒雞翼返嚟, 兩條友就係咁當飯食, Auntie整嘅雞翼係全世界最好味架)
除咗小小之外, 同我同名同姓嘅細Kar我哋今日通過電話, 佢話前幾日揾完馮小姐睇相, 改過有個”菊”字嘅名, 就會令桃花運旺盛, 所以以後我會記得叫 “小菊” 架喇! 仲有呀, 小菊話我知佢公司裡面某同事勁衰, 衰到拍得住我公司嗰個 “尾期”, 簡直係堆田區都唔收嘅廢人呀!
如果打小人, 第一個我實打 “尾期” , 為自己之餘為埋我D同事,
第二個梗係幫小菊打呢個衰人, 為佢出番啖氣啦!
各位老友, 同事—–> ———> ——–> ———-> Fighting! Fighting! Fighting!
好啦, 今日到此為止, 我要迎接聽日嘅大日子…….. ( ” 七一 ” 嘛)
(0)