尋日落雨,好彩今日個天氣好番啲,入樂園玩就最好不過喇!
不過晨早先陪老陳去咗樓下做Gym,之後當然梗係把握時間,影埋室外嘅景,同埋好近洒店嘅迪士尼碼頭,呢個碼頭仲末啟用,非常清靜兼乾淨!
夠鐘Check out要走喇,我只可以講“I will be back” ,起碼呢到可以讓我感受到乜嘢叫做”忘我境界,壓力全消!”
下一站就係迪士尼樂園,今次已經係第三次去喇,不過裡面有啲唔同咗,例如巴斯光年換咗位,Pluto唔見咗剩低高飛狗孤身作戰,我又發現愛麗絲變咗菲律賓國籍,美人魚又變咗豬扒皇國裡面啲國民,估唔到迪士尼一歲之後有咁多轉變!
終於到咗去迪士尼樂園洒店渡假嘅日子,我哋同BuBu渡假嘅洒店係唔同架,佢嗰間咪就係伯娘屋企囉,哈哈,佢會住到星期一先check out,希望佢住得開心,食得放心,玩得放心啦!
迪士尼樂園洒店真係好靚,好有夢幻兼童話嘅feel,單單幾句都好難講得哂,行下影下相,再去埋好萊塢過邊望下,都已經十點喇,聽日仲要去迪士尼樂園玩,但係隻腳已經好攰了!
連續兩晚冇玩嗰隻Game,今晚終於如常舉行!
去迪士尼做足準備,今次第三次喇,但今次有啲唔同,因為會住一晚,除咗要準備聽日去迪士尼洒店瞓嘅日用品之外,就係要準備揾人收留BuBu一晚,因為始終好擔心留低BuBu喺屋企一晚,結果都攪掂咗呢個問題,可以如期出發,好嘢!
(我諗BuBu冇我哋喺身邊,實掛住我哋啫,哈哈!)
最後多謝大家姐百忙之中抽空照顧我家的百厭Bu!
“她“的背影比誰都孤獨,曾幾何時我與兩位知己步行途中,發現呢個就好像讀書時,老師所講嘅”背影”喇,而這個”她“就係….”小肥牛”喇!
智者話部電話壞咗,一定要今日陪佢去買過部新嘅,點知佢諗住買嘅633粉紅色,竟然冇貨,結果買唔成,白白浪費咗我返去陪BuBu嘅時間,好彩夜晚餐上海嘢,好好味,都叫有收獲冇白行啦!
好順便咁俾我見到”Marry Me”出咗喇,不過冇買到,因為嗰檔嘢啲人古古惑惑,賣到咁平有機會係電視版㖭,我都係遲多少少等DVD版返貨先買好過!
今日真係多謝PP島嘅”Big” Lunch,我就想同佢嚟個”Big” Hug,哈哈!
PP島要搬過去展貿先,所以我哋要暫別一段時間,都有啲唔捨得架,哈哈哈..係唔捨得佢嘅笑聲呀,每當佢同我講啲勉勵嘅說話,我都好感動,老實講佢都算係我嘅良師益友,呢段暫別嘅日子,大家要加油呵!
夜晚突然行雷,所以BuBu失驚無神就會嘈,真係俾佢嚇親呀!
今日經典地同稀客坐埋一齊開咗個”Mini” Meeting,主要講返我喺三合工程嘅安排,個情形就好似胡迪同任老總入咗鋪頭行完一個round後,講好”電視框(Discount)”,然後冇買到兼未到新年就”運盤吉(運吉)”入嚟,但就好有交帶咁講句”唔該哂”嗰隻呀! (因為會議結論係兜咗成個大圈,講咗一輪廢話,冇進展,只係有交帶咁開個會交個代,結果都係回到原點!)
呢兩日好勤力玩我個新玩意,所以冇乜同BuBu影相,所以我要Post番BuBu嘅Video出嚟滿足番佢啲Fans!
(BuBu剪毛後,佢條尾好似個啦啦球咁,Fing下Fing下,好得意架!)
(BuBu有時都會鬼鬼鼠咁Bear住人架!)
今曰係我好友之一嘅法拉利小姐生日,晨早已經send咗個SMS俾佢,同佢講番句Happy Birthday,仲有梗係祝佢早日達成哂所有願望啦! 
今日請咗半日假,因為份單雖要我去一次Body Check,希望冇事全部都保就好喇!
個三合工程終於完成,可以鬆一口氣喇!
智者前幾日去大佛嘅時候,發現有張書簽上面寫住嘅嘢,好想我記住,就係:
不應觀察他人的過失,或巳做與未做的善惡事,
應只省察自己巳做與未做的事!
Pay little heed to others' wrongdoings, or what they have done or will do.
Pay close attention to what you yourself have done or will do.
智者嘅意思即係叫我唔駛理其他人咁解,哈哈!
不過啲人真係離哂大譜架,講是非就有時間,有嘢做就話好Busy,其實就好Lazy!
(0)