日記 2006年08月27日
是日Sleeping Day 同 煲碟日!
超 爽!
ZZZZZZzzzZZZZZzzzZ
ZZZZZzzzzzZZZZZZ
(0)
日記 2006年08月26日
今日先去銅鑼灣還番套惡魔俾Hata先生,然後去咗二家姐介紹必食嘅—–>
(好好味架),醫咗肚之後就去電腦展喇!
呢排成日行展覽,漸漸變成咗”行展覽减肥法”,希望有啲幫助啦!
為咗補償今日冇陪BuBu,所以我專誠帶咗樣嘢返屋企俾佢,就係—->
(Dougnnuts招牌一個)
最後再一次感謝Hata先生嘅幫忙!
晏晝食咗太興,飽到上心口,好彩返到公司我用咗個幾鐘時間碎下紙,如果唔係個金魚肚頂住好辛苦架!
放工約咗爸爸嗰舅父(即係舅公)傾保險,佢都有幾分似爸爸,一傾就傾到九點幾,連飯都喺度食埋,最後佢梗係成功啦,仲雙響炮,兩公婆齊齊幫佢買,今次我哋絕對係Buy佢個人而買,其實份份單都差唔多,個Agent跟得唔好,份單有幾好都冇用,所以話自己擺出嚟嗰個格,先至係個Selling Point!
今晚又成十點幾先返,BuBu就整咗雙料傑作俾我哋,仲要狂搖尾熱烈歡迎我哋,擺出一副得戚樣,真係俾佢激死呀!
日記 2006年08月24日
實在太眼瞓喇,讓我休息一下吧!
BuBu剪毛後,更加發覺佢原來食咗減肥糧之後,消瘦咗好多,所以我同老陳都要努力呀!
日記 2006年08月23日
晏晝老陳好突然打嚟話去都會海逸食Buffet,原來係從不輕易露面嘅隱士話約我哋兩公婆食飯,難得佢約到,點都要去啦!
不過呢間Buffet都幾多嘢食,飽到連我平時必食既雪糕,都冇辦法再食落去喇,淨係食甜品都食咗三大碟再加窩夫兼加埋刨冰!
真係飽到不得了,救命呀,老陳同我都帶住個金魚肚返屋企!
成十一點先返,唔駛問BuBu實俾面色我哋睇啦,仲要”啤拎Me”咁嘅樣呀!
(最後仲强顏歡笑應酬下我㖭!)
日記 2006年08月22日
今日心情確實比平時down咗啲,雖然係為咗啲無聊事,但我認為天氣都有分晴天同雨天,人喺情緒方面都會係一樣!
公司內部突然好混亂,啲人變成”個體戶”,全部好似白內障咁睇嘢睇到矇查查,個個講到自己幾百萬上落咁”很”忙,係公司好生意吖,定係自己工作能力低呢?再加上又唔想聽得多知得多嘅心態,咁即係呈現緊”眼又矇耳又聾”呢個徵狀,倒不如提早過退休生活,咪留喺度搔擾啲仲玩緊遊戲嘅參賽者啦!
我唯有學華仔首歌咁”張開眼晴”吧!
下面有歌詞呀,慢慢聽啦!
未見得一切都要公平 成敗也總要問究竟
亦未見得得失影響心情 難道你天生很好勝
*全部靠即興只會不得要領 凡事要心中決定
行捷徑心領其路更要冷靜 沒有輸 怎會勝 用努力來往上調整
以後前途反覆要鎮定 以後迷途不需找算命
以後沿途危難總要企定 學會張一張開一雙眼睛
未見得光陰一退需要停 無用去一再望背影
人沒有一生揮不去的慘情 自會好心好報應*
Hahaha…. Hahaha……
人沒有天生高一班的生命 自會好心得到好報應
Hahaha…… Hahaha…….
日記 2006年08月21日
每逢星期一都好叉忙,一開電腦成幾廿份report等upload上server,因為放完假嘛,攪到我頭都痛埋!
終於忍唔住買咗”白袍之戀”,係鬥魚班人做架,所以我又要開始閉關煲劇喇!
BuBu尋日沖完涼返嚟好眼瞓咁,今日就唔同喇,充哂電,通屋走,我仲見佢剪完毛好似好down咁,所以咪讚佢多啲囉!
BuBu知道我哋成日要對住部電腦,所以要教大家做一個佢”自創”嘅頭部運動,記得跟住做呀,準備好就㩒Play啦!
