呢排忙住追套”東方茱麗葉“,兼且上個禮拜放咗假,一放完假又要執嘢準備搬公司,成個

人散哂咁滯,所以冇乜寫日記,但為咗要推翻智者嘅水瓶座三分鐘熱度嘅理論,更攰都要

update下我個日記嘅!

由今日開始又要回到我曾經付出過無數努力嘅九龍灣返工喇,但係比起以前返工嘅路

程就辛苦多了,因為由落車行到去搭Shuttle Bus,需要十五分鐘,食飯仲慘,方圓十里都

冇乜好嘢食,只有聚集眾多”麻甩佬“嘅茶餐廳,我哋一行七人唯有試下衝出展貿,出去德

福食,結果”行動未如理想“,又要等位,又唔夠時間食,睇嚟我哋要諗下第二個計劃喇!