日記 2006年11月20日
晏晝同奶奶飲完茶之後,同老陳去咗碌Ling,結果梗係輸咗比佢啦!
之後我哋出席咗一個”小”食會聚會,因為真係唔多嘢食嘛!
呢包吉百利聖誔限量版,就係小丸子突登為咗想食其中一款而買嘅,剩低佢唔食嗰幾款就全部奉獻哂俾我喇,哈哈!
(0)
日記 2006年11月18日
晏晝約咗我兩位家姐去C.E.O唱K,唱完加埋老陳啱啱好四隻腳,上咗去三家姐屋企開枱游”乾”水,一上到去BuBu個老表”肥妹”見到我哋之後,驚到即刻走咗入房,昌叔仲話佢要兩個鐘之後先可以回復正常,真攪笑!
呢場游乾水戰,結果我哋兩公婆一齊輸比兩位黃家大小姐 and 三小姐,
!
夜晚喺家姐樓下食飯,去埋隔離發記買埋碗”榴槤飄香”返屋企食,簡直係Good!Good!Good呀!
日記 2006年11月17日
放工去咗APM,諗住食Mos Burger,點知要排九個字隊,所以冇排到,唯有等下次啲人冇咁”新屎坑”先再去食過啦!
難得去APM,我又點會空手而回呢,之前收到Extravaganza張Pre-sale通知咭,梗係走去逛下啦,結果老陳同我嘅收獲就係一人買咗一個袋喇!
日記 2006年11月16日
晨早一返到公司,就見到絲襪褲去完上海嘅Audit返嚟,仲放咗份禮物喺我個位,同上次台灣嘅Trip一樣,都係買咗啲嘢食返嚟,真係多謝哂佢喇!
晏畫我哋五條Queen,上咗樓上十三樓食西餐,甜品沙律都係自助嘅,但食物就一般咋!
日記 2006年11月15日
又到要上塔羅牌嘅日子喇,
今日係講主牌頭十張嘅牌意同生命數字,
哇,簡直令我有一個意想不到嘅感覺,
因為我身邊嘅屋企人同朋友,
佢哋嘅生命數字有八成係中哂隻塔羅牌所講嘅嘢,
例如天賦特質,優點呀,缺點呀,
喺嗰一刻開始,我不得不敢承認,
我愛上你了…….
“塔羅牌”
日記 2006年11月14日
大 功 告 成 喇 !
十隻塔羅牌嘅感受,終於俾我寫哂喇!
原本一啲靈感都冇,但係我將隻牌諗成身邊嘅人嘅性格同特質,
結果….得咗….
做完功課,就要做番啲家務0路!
寵物 2006年11月13日
好口乾呀,快啲俾水我飲啦! | 1 | 2
