214嘅小情

今日同阿B去咗Strawberry食石頭飯, 所以放咗都係叫做B, 但係叫做”豬頭B” 嘅飛機, 其實我只係想透透氣啫, 豬頭B咁好人唔會怪我哋兩嗰嘅, 食完lunch無耐, PP島買咗超好味嘅雪條返嚟請大家食 —–>   (朱古力味) , 多謝PP島, (無PP島咁敢於嘗試選中個完全冇office經驗, 淨係識賣笑嘅我, 我都食唔到今日呢條雪條呀, 哈哈), 不過真係真心萬分感謝PP島㗎!   

近排好多friend話約食飯, 計下計下結完婚之後, 都成年冇乜參與任何飯局, 最大原因係因為我而家肥到成個”胡杏兒”咁 —–>  (不過我有自知自明,冇佢咁正),唔信嘅話不防問下成日都見嘅”爸爸” (Alex)啦! 不過我將會攪下飯局架喇, (各位老友等下啦!)

講開老友尋日小小打俾我, 佢0係喜記原來咁快做咗成年喇, 時間過得真快, (我哋原來分開咗成年了, 回憶番以前我哋最開心嘅日子, 就係小小帶成盒雞翼返嚟, 兩條友就係咁當飯食, Auntie整嘅雞翼係全世界最好味架)

除咗小小之外, 同我同名同姓嘅細Kar我哋今日通過電話, 佢話前幾日揾完馮小姐睇相, 改過有個”菊”字嘅名, 就會令桃花運旺盛, 所以以後我會記得叫 “小菊” 架喇! 仲有呀, 小菊話我知佢公司裡面某同事勁衰, 衰到拍得住我公司嗰個 “尾期”, 簡直係堆田區都唔收嘅廢人呀!

如果打小人, 第一個我實打 “尾期” , 為自己之餘為埋我D同事,

                第二個梗係幫小菊打呢個衰人, 為佢出番啖氣啦!

各位老友, 同事—–> ———> ——–> ———-> Fighting! Fighting! Fighting!   

好啦, 今日到此為止, 我要迎接聽日嘅大日子…….. ( ” 七一 ” 嘛)

晨早返到公司check e-mail, “尾期” send 咗個e-mail嚟, 段嘢簡直係老土兼廢話, 不過咁又係嘅, 佢係一個 “眼大無神, 鼻大吸塵, 變咗一個正廢人”, (記住係 “正” 嗰隻喎, 唔係 ”副” 呀!) , 除咗廢人多廢話之外, 仲廢人多廢紙㖭, 幫佢碎咗三大個file嘅紙之後, lunch食完嘅嘢即刻消化哂, 撞啱今日和藹可親嘅任伯伯 請食”菓一道”嘅tea  (個樣好似榴槤咁, 其實係香蕉Pancake嚟架, 好味), 仲有又珍貴又秀麗嘅豬頭B請食”美心”新出嘅拿破崙蛋糕       (好味)                                 ~~特別鳴謝兩位~~

食食下條蕉笑住咁諗起, “尾期” 曾經有一日話因為D同事幫咗佢一個大忙, 所以話請大家食tea (少嚟呢套啦), 但係由於佢太有誠意五點鐘先嚟話食, 唔通叫人拎住份tea放工咩, 所以改next day喎, 點知….(How about our tea? 連影都冇埋!), 哈哈!

臨放工前收到一枝花, 擺支花喺個位度, 成個人舒服哂!)

講到呢度好喇, 我要趕住睇 “法證” 呀!

首先要歡迎我個斷背老友 - 豬頭B終於陪鬼完畢歸來! (冇見四日, 又真係瘦咗D喎, 恭喜恭喜!)

今日lunch冇出去食, 只係同D同事叫咗”菓一道”外賣, 我哋一路食, 一路講笑, 嗰種笑話梗係唔係粒飯黐住嘴角嗰隻啦, 咪就係講下”史力加”,  ”高腰褲”, 同 “尾期” 嘅特點囉, 真係啱啱好三個 “福祿壽” 呀, 哈哈, 因為喺 “福祿壽” 裡面又真係有兩肥一瘦嘛, 不過係冇好帶”歉”嘅”福祿壽”呀! Anyway, just for fun! (But 我心裡面未必係咁諗架, 哈哈!)

BuBu 竟然經典地冇周屋放地雷, 真係感謝主, 所以為隆重其事, 老陳同佢進行咗個頒獎儀式, 歡迎大家收看以下嘅片段:

 

今日係公司D時間好似過得好慢咁, 豬頭B就同高腰褲帶鬼上廠, 男子組D人唔係出trip, 就喺SZ office,果邊就得番PP島同胡迪, 成個office超靜, 呀唔係係我果邊先靜, 因為有胡迪嘅一日, PP島係會好嘈架, (我個人認為: PP島, 委屈妳了!) ,

其實時間過得咁慢, 仲有一個原因架, 就係今日果個 “尾期” 冇乜 濕醉嘢洗人做, 平時都會洗人做D完全唔駛用腦兼無技術嘅嘢, 最大例子就係辛辛苦苦打個thank you你嘅e-mail然後喺個e-mail度print D Attachment file出嚟俾佢, 打得個e-mail都噤掣print 咗啦, 極度無謂呀,

我希望各位好友身邊冇呢D同事, 就真係”世界和平” 喇, 哈哈!

講開同事, 今日同PP島講起小孩不笨2套戲嘅男主角, 都幾靚仔架, 不過嗰種feel都係比較吸引時下嘅妹妹仔多D, 所以我要誠意為大家介紹, 這個連老陳都欣賞嘅台灣超新星 –        “賀小美”……. (好啦, 我就post 張佢嘅相同大家分享下啦, 不過幅相裡面個calender就快無用喇, 哈哈!)

 

今日放工 “拿拿林” 去完 “侏儒村” 買嘢就即刻返屋企, 一來出面實在太熱, 二來又要快D返屋企服侍我家的寶貝(咪就係BuBu囉) , 呢排個衰仔都唔知攪乜鬼, 成日周圍賴尿, 所以成日都俾老陳打, 點知唔駛講, 今日都唔例外,

一如以往激死我,服侍完BuBu, 仲要幫老陳燙埋衫, 終於大功告成睇埋 [15/16] 就可以Sleep 喇!  ZZZZzzzZZZZ (-0-) ZZZZzzZZZzzz

小情部落格, 正式開始…..

因為呢個 “三十三度” 嘅炎熱天氣, 所以今日完全無mood出街, 所以呢個 “小情部落格”就終於誕生喇! ~~@@~~

以後我有乜嘢都會喺度同人分享, 希望睇過小情日記嘅人都留個言就好了…….

 

(閱讀全文)